Benuni sun la plata internet di Destudafuech de Urtijëi

Destudafuech ulenteres de Urtijëi

I Destudafuech ulenteres de Urtijëi à la sënta tla streda Purger. Cumandant di Destudafuech de Urtijëi ie Stefan Fill. I 49 cumëmbri ulenteres, cun si servisc cumpetënt y asvelt, ie n aiut ndispensabl per la cumunità.
Pra si gran ciamp d’atività toca la proes, l destudé di fuesc, la desfrateda de stredes, nëif y levines, salvamënc de persones, tieres y veiculi y n grum de autri ntervënc.
Nona dla bandiera di Destudafuech de Urtijëi ie Dora Prinoth.